Voto dos electores en penitenciarías

AVISO IMPORTANTE: "A Xunta Electoral Central, en sesión do 27 de setembro do 2012, acordou ampliar- con carácter xeral, para todos os electores que exerzan o voto por correspondencia- o prazo para o depósito do sobre de votación nas Oficinas de Correos de toda España ata o día 18 de outubro, no horario habitual de funcionamento das devanditas Oficinas".

 

Electores

Internos en centros penitenciarios non privados do dereito de sufraxio.

Procedemento

Expóñense ante a poboación interna as normas electorais que regulan o voto por correo e organízanse sesións informativas de explicación e aclaración do procedemento de votación.

O/A director/a de cada centro penal solicita á Sociedade Estatal Correos e Telégrafos, S.A. que un/unha funcionario/a deste servizo se desprace nunha data determinada ao centro cos impresos de solicitude de inscrición no censo necesarios para que, alí mesmo, sexan cubertos polos/as internos/as.

Se algún/algunha recluso/a carecese de Documento Nacional de Identidade, basta co documento de identidade interior que teñen todos/as os/as internos/as, sempre que apareza a fotografía.

A Oficina do Censo Electoral debe remitir á penitenciaría na que se atope o/a recluso/a, sobres e papeletas suficientes que deben ser entregadas persoalmente polo/a funcionario/a de Correos ao/á elector/a.

O/A elector/a elixe a papeleta, introdúcea no sobre, e este noutro sobre que irá dirixido á mesa electoral que corresponda.

O/A traballador/a de Correos fará chegar os sobres ás correspondentes mesas electorais o día da votación.

© Xunta de Galicia. Información mantida e publicada na internet pola Xunta de Galicia
Suxestións e queixas | Atendémolo/a | Aviso legal